O‘zbekiston Respublikasi Prezidenti, Qurolli Kuchlar Oliy Bosh qo‘mondoni Sh.Mirziyoyev tomonidan 2024 yilning 12 yanvar kuni o‘tkazilgan Xavfsizlik kengashining kengaytirilgan yig‘ilishidagi belgilangan vazifalar ijrosini ta’minlash maqsadida Qashqadaryo viloyati IIB boshlig‘i o‘rinbosari podpolkovnik I.I.Ximmatovga otaliqqa berilgan Koson tumani “Birdamlik” MFYdagi o‘quvchi va uyushmagan yoshlar o‘rtasida Voleybol musobaqasi o‘tkazildi. 

 Yoshlarni barkamol avlod sifatida tarbiyalash, ular o‘rtasida vatanga muhabbat, sadoqat, o‘zaro birlik kabi tushunchalarni shakllantirish, shuningdek, yoshlarni jismoniy tayyorgarligini oshirish maqsadida o‘tkazilgan voleybol musobaqasi davomida “Birdamlik” MFYdagi o‘quvchi va uyushmagan yoshlardan iborat voleybol jamoalari o‘rtasidan 1,2,3 o‘rinlar uchun qizg‘in kurash bo‘lib o‘tdi.

Tadbirida podpolkovnik I.I.Ximmatov musobaqa so‘ngida sovrinli o‘rinlarni egallagan voleybol jamoalarini taqdirlab, bu kabi tardiblarni muntazam o‘tkazilishi, yoshlar esa bunga o‘zlarining vatanga sadoqatlari, tarbiyalari, bilimga intilishlari, jamoat ishlarida faol bo‘lishlari bilan javob qaytarishlari lozimligini aytib o‘tdi. 

Shuningdek, O‘zbekiston Respublikasi Prezidentining  2022 yil 2 mart kunidagi «Vatan tayanchi» bolalar va o‘smirlar harbiy-vatanparvarlik harakati faoliyatini tashkil etish to‘g‘risida»gi qaroriga muvofiq podpolkovnik I.I.Ximmatov tomonidan Koson tumanidagi 42-umumta’lim maktabida tahsil olayotgan 10-11-sinf o‘quvchilari orasidan vatanparvar, eng intizomli va bilimli, tashabbuskor bo‘lgan 15 nafar  yoshlarga «Vatan tayanchi» harakatining nishonlari topshirildi.