Qashqadaryo viloyati IIBda “Korrupsiyaga qarshi kurashish — davlat va jamiyat yangilanishida muhim omil”  mavzusida “Ma’naviyat va ma’rifat darsi” bo‘lib o‘tdi. Unda viloyat IIB tarkibiy bo‘limlari va sohaviy xizmatlar xodimlari hamda Qarshi shahar Adliya bo‘limi xodimlari ishtirok etdi.

Qarshi shahar Adliya bo‘limi bosh maslahatchisi Bunyod Begmatov so‘zga chiqib, ijtimoiy hayotda korrupsiya domiga tushib, oyog‘i qoqilayotganlar oz emasligini, mashhur faylasuf Tomas Gobbsning «Korrupsiya – davrlar osha o‘sib kelayotgan ildiz bo‘lib, u har xil orzu-havaslar ortidan qonunlarni mensimaslikdir», degan so‘zlari ham bu jirkanch illatning naqadar qadimiy ekanligini tasdiqlashini ta’kidladi. 

Jahonda globallashuv jarayonlarining tobora rivojlanishi sababli davlat va nodavlat sektorida korrupsiyaning zamonaviy va yashirin ko‘rinishlari yuzaga kelmoqda.

Korrupsiyaga qarshi kurashish da albatta, xorijiy tajribalarni o‘rganishimiz zarur.

Janubiy Koreyaning «Korrupsiyaga qarshi kurash to‘g‘risida»gi qonuniga asosan, Korrupsiyaga qarshi kurash tashkiloti har qanday shaxs ning arizasiga ko‘ra dastlabki tergovni boshlashi shart. Agar fuqaro korrupsiya to‘g‘risida yolg‘on xabar bersa, buning uchun u qattiq jazolanadi.

Yuqorida ko‘rsatilgan va boshqa davlatlardagidek, O‘zbekiston Respublikasi Korrupsiyaga qarshi kurashish agentligiga ham ko‘proq vakolatlar berish hozirgi davrda qanchalik muhim ekanligi ayon bo‘lmoqda.

Hozirgi paytda respublikamizda ham bu illatga qarshi kurashish doirasida bir qator dasturlar qabul qilindi va ular bo‘yicha keng qam rovli ishlar amalga oshirilmoqda. Mamlakatimizda so‘nggi yillardagi korrupsiyaga qarshi kurashishni tartibga solishga qaratilgan huqu qiy asoslar sifatida «Korrupsiyaga qarshi kurashish to‘g‘risida»gi, «Davlat fuqarolik xizmati to‘g‘risida»gi, «Davlat xaridlari to‘g‘risida»gi, «Davlat-xususiy sheriklik to‘g‘risida»gi qonunlarni alohida qayd etish o‘rinlidir. Yurtimizda korrupsiyaning oldini olishga qaratilgan muhim preventiv mexanizmlar yaratilganligi, davlat boshqaruvida byurokratiyani kamaytirish, ochiqlik va shaffoflikni ta’minlash, davlat xizmatlarini ko‘rsatish sifatini yaxshilash, raqamlashtirish orqali inson omilini kamaytirish borasida amalga oshirilgan chora-tadbirlar korrupsiyaga qarshi kurashish bo‘yicha davlat siyosatining muhim elementlari bo‘lib xizmat qilmoqda. Poytaxtimizda korrupsiyaga qarshi kurashish borasidagi sa’y-harakat larni ifodalovchi monument ham ochilgan bo‘lib, kafti ochiq qo‘l ko‘rinishidagi ushbu kompozitsiya halollik, korrupsiyaga nisbatan toqatsizlikni, butun dunyoni unga qarshi kurashishda birlashishga da’vatni anglatadi.

Shu o‘rinda aytish kerakki, O‘zbekiston korrupsiyaga qarshi kurashishda o‘z maqsadlariga ega. Xususan, «O‘zbekiston — 2030» strategiyasida ham korrupsiyaga qarshi kurashish bo‘yicha alohida maqsad belgilangan. Xususan, 89-maqsad — korrupsiyaviy omillarni bartaraf etish tizimining samaradorligini oshirish, jamiyatda korrupsiyaga nisbatan murosasiz munosabatni shakllantirish ishlarini jadal davom ettirish sifatida belgilandi. Umuman olganda, korrupsiya davlat organlari faoliyatiga putur yetkazadi, iqtisodiy tushkunlikni keltirib chiqaradi, aholining davlat hokimiyati boshqaruv organlariga bo‘lgan ishonchini yo‘qotadi, taraq- qiyotni sekinlashtiradi. Shuning uchun ham ushbu illatga qarshi kurashish barchamizning asosiy vazifamizga aylanishi lozim. Korrupsiyaga qarshi kurashish bo‘yicha davlat siyosatini amalga oshirishda eng muhim vazifalardan biri, jamiyat ongini tubdan o‘zgartirish, jamiyatda korrupsiyaga nisbatan murosasiz munosabatda bo‘lish muhitini shakllantirishdir.

Zero, korrupsiyaga qarshi kurashish – davlat va jamiyat yangilanishida muhim omildir!

Tadbirda boshqarma TQX TQKB Targ‘ibot bo‘limi boshlig‘i, mayor Firdavs Muxammadiyev  hafta davomida jahonda yuz bergan voqea-hodisalar bo‘yicha, tashkiliy boshqarma Murojaaatlar bilan ishlash guruhi bosh inspektori, podpolkovnik Bekzod Irgashev “Murojaatlar bo‘yicha ijrochilik intizomi”, Tibbiyot bo‘limi poliklinikasi terapevt shifokori Asliddin Zayniddinov “Qandli diabet nima?” mavuzularida ma’ruza qildi.