Qashqadaryo viloyati IIBda “Korrupsiya taraqqiyotga jiddiy to‘siq” mavzusida “Ma’naviyat va ma’rifat darsi” bo‘lib o‘tdi. Unda viloyat IIB rahbariyati, tarkibiy bo‘limlari va sohaviy xizmatlar xodimlari ishtirok etishdi. Uni viloyat IIB MMI va KBTX boshlig‘i o‘rinbosari, podpolkovnik Sh.Muslimov ochdi. 

Mavzu yuzasidan viloyat Adliya boshqarmasi bosh maslahatchisi Abdumurod Jo‘rayev so‘zga chiqib, joriy yil 27-noyabrda davlatimiz rahbarining «Korrupsiyaga qarshi kurashish tizimini yanada takomillashtirish hamda davlat organlari va tashkilotlari faoliyati ustidan jamoatchilik nazorati tizimi samaradorligini oshirish chora-tadbirlari to‘g‘risida»gi farmon bilan 9 ta ustuvor yo‘nalish, 30 ta muhim chora-tadbirlardan iborat Korrupsiyaga qarshi kurashish bo‘yicha tasdiqlangan 2023–2024-yillarga mo‘ljallangan davlat dasturlarining samaradorligi tog‘risida so‘z yuritdi.

Yig‘ilishda ATIB “Ipoteka-bank”  boshqaruvi raisi o‘rinbosari Abror Aliqulov uy-joylarga ajratiladigan kreditlar va taqdim etiladigan imtiyozlar haqida ichki ishlar organlari xodimlariga atroflicha ma’lumotlar berdi. So‘ngra  shaxsiy tarkibi o‘rtasida “Ekstremizm va terrorizm g‘oyalariga qarshi kurashish" mavzusi bo‘yicha Qashqadaryo viloyat IIB TQX Terrorizmga qarshi kurashish boshqarmasi  bo‘lim boshlig‘i mayor Firdavs Muhammadiyev slaydli ma’ruza qildi. Tadbirda G"ripp kasalligi va uning profilaktikasi" haqida boshqarma DPM Tibbiyot bo‘limi SENM boshlig‘i mayor Rustam Daminov shaxsiy tarkibga tibbiy tavsbiyalar berdi.