Kodeks bilimdonlari taqdirlandi
Qashqadaryo viloyati Ma’naviyat va ma’rifat markazida ichki ishlar organlari xodimlarining kasbiy madaniyat va xizmat intizomi Kodeksini o‘zlashtirganlik darajasini aniqlash maqsadida “Kodeks bilimdoni” ko‘rik-tanlovi bo‘lib o‘tdi.
Tadbirda boshqarma sohaviy xizmatlari va shahar-tuman ichki ishlar bo‘limlarida xizmat qilayotgan xodimlar ishtirok etishdi.
Tanlovda auditoriyada ishtirokchi xodimlarga kodeksdan savollar ketma-ketlikda o‘qib eshittirildi.
So‘ngra, bilimdonlarning tashabbusi asosida javoblar qabul qilindi.
Hakamlar hay’ati tomonidan baholab borilgan tanlov natijalariga ko‘ra, G‘uzor tuman IIB JXX HPB profilaktika inspektori, leytenant Quvonchbek Salimov g‘oliblik shohsupasidan joy oldi.
Navbatdagi sovrinli o‘rinlarni Qarshi tuman IIB JXX HPB profilaktika inspektori, leytenant Qutbiddin Inoqov va Nishon tuman IIB JXX HPB profilaktika inspektori, leytenant Shaxriddin Nurmamatov band etishdi.
G‘oliblar boshqarma rahbariyatining diplomi va sovg‘alari bilan taqdirlandi.
