Qashqadaryo viloyatining yangi tumani Ko‘kdalada ichki ishlar bo‘limining yangi binosi  foydalanishga topshirildi.

Tadbirda IIV o‘rinbosari general- mayor Baxodir Mirzaraximov, viloyat hokimi Murotjon Azimov, IIB boshlig‘i polkovnik Abduvohid Ismoilov boshqa huquqni muhofaza biluvchi organlar, faxriylar va keng jamoatchilik vakillari hamda ommaviy axborot vositalari vakillari ishtirok etishdi.

Tantanali tadbirni viloyat hokimi Murotjon Azimov ochdi.

Tadbirda so‘zga chiqqanlar mamlakatimizda muhtaram Prezidentimiz Shavkat Mirziyoyev raxnamoligida ichki ishlar organlarini xalqchil professional tuzilmaga aylantirish va aholi bilan hamkorligini mustahkamlash yo‘lida amalga oshirilgan ishlar natijasida tizim fuqarolarning ishonchli himoyachisi sifatida shakllandi. Natijada mamlakatimizda  tinchlik va xavfsizlikni ta’minlash hamda jinoyatchilikka qarshi kurashishning mutlaqo yangi jahon andozalariga mos va xos tizimi amaliyotga joriy etildi.

Mamlakatimizda sharafli va ayni paytda mas’uliyatli kasbning nufuzini oshirish maqsadida Prezidentimiz va hukumatimiz tomonidan bir qator qarorlar qabul qilindi.

Muhtaram Prezidentimizning  2022 yil 19 aprel kunidagi tegishli qarori bilan Qashqadaryo viloyati tarkibida Ko‘kdala tumani tashkil etilgandi. Mazkur kundan boshlab tuman hududida ko‘plab bunyodkorlik ishlari amalga oshirildi.

Jumladan, Ichki ishlar vazirligi tomonidan  ajratilgan 16 milliard 200 milloin so‘m mablag‘ evaziga tumanda UCH qavatli muhtasham tuman IIB binosi " EMRALD Project " MCHJ quruvchilari tomonidan bunyod etildi.

Yangi binoda har bir soxaviy xizmat xodimlari uchun barcha qulayliklarga ega shinam xonalar, navbatchi lik qismi, oshxona,  kutubxona, Vatanparvarlik burchagi, har bir qavatda yuvinish xonalari mavjud.

Bundan tashqari, tuman IIB Migratsiya va fuqarolikni rasmiylashtirish, Probatsiya hamda boshqa bo‘limlari xodimlar to‘siqsiz kirib chiqishga mo‘ljallangan barcha qulayliklarga ega xonalarda faoliyati ko‘rsatishni boshlashdi.

Ushbu yaratilgan shart-sharoitlarning barchasi jamoatchilik tuzilmalari bilan hamkorlikni yanada mustahkamlab, tumanda jinoyat va huquqbuzarlik sodir etilishining barvaqt oldini olish, ularni tez fursatlarda fosh etishga, xizmat qiladi. Shuningdek, xodimlarning siyosiy, ma’rifiy va jangovar tayyorgarligini hamda ularning ish samaradorligini oshirish maqsadida ga xizmat qiladi.

Bugungi kun xodimi yaratilgan shart-sharoitlardan unumli foydalangan holda  kasbiy va jangovar mahoratlarini muntazam ravishda oshirib borishi uchun zamonaviy vorkaut va mini futbol maydonchasi ham xodimlar ixtiyoriga topshirildi.

Endi qariyb bir yuzi to‘qson ming fuqaroning osoyishtaligiga mas’ul xodimlar xizmatni yangi binoda faoliyat olib borishadi.