Qashqadaryo viloyati IIB boshlig‘i, polkovnik Farrux Tairov Kitob tumanining “qizil” toifadagi Ali Qushchi mahallasida kriminogen vaziyatni jilovlash, jinoyatlarni oldini olish, sodir etilganlarni fosh etish, fuqarolarning kundalik va maishiy muammolariga yechim topish maqsadida o‘rganishlar olib bordi.

Dastlab, mahalla fuqarolar yig‘inida hududda kriminogen vaziyat barqarorligini ta’minlash, jinoyatchilikni erta aniqlab  oldini olish, sodir etilganlarini fosh etish, jinoyat yuzaga kelishiga sabab bo‘lgan shart-sharoitlar va omillari tahliliga bag‘ishlangan yig‘ilish bo‘lib o‘tdi. 

Ko‘lami keng yig‘ilishda tuman IIB boshlig‘i podpolkovnik Ikrom Tog‘ayev va mahalla yettiligi ishtirokida mahallada sodir etilgan qonunbuzarliklar ochiq tahlil etilib, aholi muammolarini o‘rganish va yechim topish, fuqarolarni bandligini ta’minlash borasidagi ishlar, notinch oilalardagi vaziyatni o‘rganib, muammolarini hal etish,  muqaddam sudlanganlar va yoshlarni ish bilan ta’minlash borasida yettilik amalga oshirgan ishlar tanqidiy-tahlil qilindi. 

Tadbirda mahalla yettiligiga “qizil” toifadan  “yashil”ga o‘tish uchun  “fuqarobay”, “mahallabay” ishlarni jonlantirish, qonunbuzarliklarni oldini olish borasida jamoatchilik kuchidan samarali foydalanish, “Ijtimoiy profilaktika” tizimining ish samaradorligini oshirish, ungi vaqtlarda nazoratni kuchaytirish, fuqarolar gavjum to‘planadigan joylarga videokuzatuv moslamalari o‘rnatish, xonadonlarni pultga ulash tavsiyasi berildi.

Fuqarolar, ayniqsa, yoshlar va ayollarning muammolarini aniqlash va hal qilish, bandligini ta’minlash bo‘yicha mahallalar yettiligiga yo‘riqnomalar berdi.

Shundan so‘ng boshqarma boshlig‘i o‘rinbosari mahalla hududidagi Kitob tuman markaziy bozorida bo‘lib narx-navo bilan qiziqdi. Bozor ma’muriyati va boshqa mutasaddilar, sotuvchilar bilan suhbatlashib, narx-navoni sun’iy oshirmaslik, bozorta tartib-intizom bilan ish yuritish borasida mas’ullarga tegishli tavsiya va takliflar berdi. 

Bu boradagi ishlar davom ettirilmoqda.