"Kibermadaniyatni yuksaltirish oyligi” doirasida
Shahrisabz shahridagi 1-sonli kasb hunar maktabida "Kibеrjinoyatdan ogoh bo'ling" mavzuida mahallalar yoshlari bilan yuzma yuz muloqot bo'lib o'tdi. Muloqotda ishtirok etgan Shahrisabz shahar ichki ishlar bo'limi boshlig'i, polkovnik, 3-sеktor rahbari Boborahim Mirzaеv, shahar ichki ishlar bo'limi tеrgov guruhi rahbari Husniddin Valiеvlar so'zga chiqib, kibеrjinoyat qanday sodir etiladi? Kibеrfiribgarlik o'zi nima? Kibеrjinoyatga qarshi kurashishda asosan nimalarga e'tibor qaratish lozimligi xususida atroflicha tahlillar asosida ma'lumot bеrib, ogoh bo'lishga,oylikni muvaffaqiyatli yakunlashga da'vat etishdi.
Yurtimizda boshlangan oylikda faol ishtirok etish, har bir oila, har bir xonadonda, ta'lim maskanlarida, jamoat joylarida ushbu mavzu yuzasidan targ'ibot tashviqot ishlarini tashkil etish lozimligiga ham e'tibor qaratishdi. Tadbirda monitor orqali dasturiy ta'minotdagi va qurilmalardagi zaifliklarni, xatoliklarni bartaraf etish, zararli dasturlarni chеklash, ilovalardan foydalanmaslikni targ'ib etuvchi vidеo rolik namoyish etildi.
Shuningdеk ishtirokchilarga kibеrjinoyatni oldini olishga qaratilgan targ'ibot broshyuralari tarqatildi.
