Qashqadaryo viloyati IIBda “Kibermadaniyatni yuksaltirish oyligi” doirasida  kengaytirilgan yig‘ilish bo‘lib o‘tdi. Unda viloyat IIB boshlig‘i, Ichki ishlar vazirligi Kiberxavfsizlik markazi, boshqarma tarkibiy bo‘limlari va sohaviy xizmatlari hamda shahar-tuman IIB xodimlari videokonferensiya orqali ishtirok etishdi.

Tadbirda boshqarma boshlig‘i, polkovnik Abduvoxid Ismoilov so‘zga chiqib, bugungi kunda, barcha hududlarda sodir etilayotgan jinoyatlar orasida internet va kompyuter texnologiyalari bilan bog‘liq holatlar nisbati keskin oshib borayotganini, fuqarolarning kiberjinoyatlar qurboniga aylanishining oldini olish hamda kiberjinoyatlarga qarshi kurashishda aholi orasida  “kibergigiyena”ni shakllantirish” lozimligini bildirdi. 

Qashqadaryo viloyatida kiberjinoyatlarni oldini olish hamda aholini kiber olamdagi tahdidlar, jinoyatlardan himoyalash va imunitetini oshirish maqsadida 2024 yilning 1-31iyul kunlari Ichki ishlar vazirligi Tezkor-qidiruv departamenti Kiberxavfsizlik markazi viloyatdagi manfaatdor idora va tashkilotlar bilan hamkorlikda targ‘ibot-tashviqot tadbirlariga start berilgani qayd etildi. 

Yig‘ilishda innovatsion targ‘ibot usullaridan keng foydalangan holda viloyatdagi barcha ishchi-xizmatchilar, yoshlar bilan hamkorlikda kiberjinoyatlar va tahdidlardan ogoh bo‘lish, bu borada aholining barcha qatlamlarini qamrovga olish, yoshlar o‘rtasida bir necha turdagi tanlovlar uyushtirish rejalashtirilgani haqida viloyat IIB TQX JQB Kiberxavfsizlik bo‘limi boshlig‘i kapitan Akrom Ubaydullayev o‘z fikrlarini bildirdi.

 Targ‘ibot tadbirlari haqida batafsil,

 www.kiberoylik.uz veb sayt,

 https://t.me/cyber_102 “Telegram” kanali,

 https://youtube.com/@cyber_102  “Yotube” tarmog‘ida,

https://www.instagram.com/cyber102_iiv_tqd “Instagram” tarmog‘i orqali ma’lumot olishingiz mumkin.