Keksalar o‘giti
Qarshi shahridagi “Yoshlar markazi”da “Keksalar
o‘giti” ma’naviy-ma’rifiy tadbiri o‘tkazildi. Unda Qashqadaryo viloyati IIB
mas’ul xodimi, boshqarma faxriylar kengashi, viloyat IIB boshlig‘i
maslahatchisi hamda sohada xizmat qilayotgan yosh xodimlar ishtirok etdi.
Ko‘lami keng tadbirda viloyat IIB Faxriylar
kengashi raisi, iste’fodagi polkovnik Sodiq Islomov, boshqarma boshlig‘i
maslahatchisi, podpolkovnik Zokir Obilov so‘zga chiqib, yosh xodimlarga ichki
ishlar organlari xodimlarining xizmat, jangovar va kasbiy mahoratini
yuksaltirish, vatanparvarlik ruhini kuchaytirish, poraxo‘rlikka yo‘l
qo‘ymaslik, fuqarolar bilan noqonuniy
aloqaga kirishmaslik, xizmat vazifalarini sidqidildan bajarish bo‘yicha tegishli
tavsiya va takliflarini bildirishdi.
Tadbir yakunida
yoshlarning savollariga faxriylar tomonidan atroflicha javoblar berildi.
