“KЕKSALAR HAFTALIGI” DAVOM ETMOQDA
Ichki ishlar organlarida ma’naviy-ma’rifiy ishlarni tashkil etish konsepsiyasiga ko‘ra, yoshi ulug‘ faxriylarga e’tibor hamda g‘amxo‘rlikni kuchaytirish, ularni sog‘lomlashtirish ishlarini samarali tashkil etish va bo‘sh vaqtlarini mazmunli o‘tkazish, ijtimoiy hayotdagi faolliklarini oshirish hamda har tomonlama qo‘llab-quvvatlash maqsadida viloyat ichki ishlar organlari rahbariyati tomonidan bir qator ishlar amalga oshirilmoqda.
Faxriylarning boy hayotiy va kasbiy tajribasini o‘rgatish orqali yosh xodimlarni vatanparvarlik va fidoyilik ruhida tarbiyalash maqsadida viloyat ichki ishlar boshqarmasi rahbariyati, faxriylar kengashi hamda yosh xodimlar Yakkabog‘ tumanida istiqomat qiluvchi bir guruh faxriylar xonadoniga tashrif buyurib, oziq-ovqat mahsulotlari yetkazildi.
Tashrif doirasida yoshlar faxriylar bilan "Ustoz-shogird an’analari"ga ko‘ra, xizmat tajribalari, hayot yo‘li borasida dildan suhbatlashdilar.
