“Kasbiy faoliyatning psixologik xususiyatlari” mavzusida o‘quv amaliy mashg‘uloti hamda davra suhbati o‘tkazildi
Ichki ishlar organlari xodimlarining ruhiy
salomatligini mustahkamlash, stress, depressiya va suitsid holatlarini oldini
olish borasida boshqarma ma’naviy-ma’rifiy ishlar va kadrlar bilan ta’minlash
xizmati mutaxassis – psixologlari
tomonidan psixoprofilaktik va psixokorreksion seminar-trening
mashg‘ulotlari doimiy ravishda o‘tkazib kelinmoqda.
Qarshi shahar ichki ishlar organlari faoliyatini
muvofiqlashtirish boshqarmasi jamoat xavfsizligi xizmati Yo‘l harakati
xavfsizligi bo‘limi xodimlari bilan
ma’naviy-ruhiy muhitni yanada yaxshilash, sog‘lom fikrlarni shakllantirish,
shaxslararo munosabatlarda turli xil nizolarning oldini olish, ijtimoiy
moslashuv darajasini oshirish maqsadida “Kasbiy faoliyatning psixologik
xususiyatlari” mavzusida o‘quv amaliy mashg‘uloti hamda davra suhbati
o‘tkazildi.
Tadbirda notiqlik, o‘z fikrini o‘zgalarga
tushuntira bilish va munozara yuritish madaniyatini shakllantirish hamda
xodimlarining shaxs psixologiyasi sohasidagi bilimi va kasbiy-psixoprofilaktik
mahoratini oshirib borish maqsadida tushunchalar berilib, amaliy mashg‘ulotlar
o‘tildi.
