IIV Akademiyasi mas’ullari Shahrisabz “Temurbeklar maktabi” harbiy-akademik litseyida o‘quvchilari bilan uchrashuv o‘tkazdi
Shahrisabz “Temurbeklar maktabi” harbiy-akademik litseyida IIV Akademiyasi kadrlar bo‘limi katta inspektori, kapitan Ibrohim Abdullayev va inspektor, katta leytenant Jahongir Qamariddinovlar ishtirokida targ‘ibot tadbiri bo‘lib o‘tdi.
Tadbirda harbiy-akademik
litseyning HAL II bosqich o‘quvchilariga IIV Akademiyasi mas’ul xodimlari
tomonidan oliy ta’lim muassasasiga qabul jarayonlari va kursantlarga yaratilgan
shart-sharoitlar, o‘qishga kirish uchun ajratilgan kvotalar, tayyorlov
yo‘nalishlari haqida batafsil ma’lumotlar berildi.
Uchrashuvda Ichki ishlar
vazirligi Akademiyasining bugungi kundagi faoliyati haqida tayyorlangan
videorolik o‘quvchilarga namoyish etildi.
Yakunda harbiy-akademik litseyning bitiruvchi kurs o‘quvchilari tomonidan IIV Akademiyasiga kirish jarayoniga oid berilgan barcha savollariga mutaxassislar tomonidan tegishli javoblar berildi.
