Qashqadaryo viloyati Ichki ishlar boshqarmasi “Voyaga yetmaganlar masalalari bo‘yicha inspektor-psixolog” lavozimlariga nomzodlar qabul qilinishi bo‘yicha tanlov o‘tkazilishini maʼlum qiladi.

Tanlov 2022 yilning 10-14 yanvar kunlari soat 09:00 dan 18:00 ga qadar o‘tkaziladi.

18 yoshdan kichik, 35 yoshdan katta bo‘lmagan, oliy maʼlumotga ega oliy taʼlim muassasasini Psixologiya mutaxassisligi bo‘yicha tamomlagan fuqarolar tanlovlarsiz,18 yoshdan kichik, 30 yoshdan katta bo‘lmagan, oliy maʼlumotga ega oliy taʼlim muassasasini Pedagog mutaxassisligi bo‘yicha tamomlagan fuqarolar tanlovlar asosida qabul qilinadi.

Tanlovlarga  Qashqadaryo viloyatida doimiy ro‘yxat (propiska)da turuvchi, muddatli yoki safarbarlik chaqiruv rezervidagi harbiy xizmatni o‘tagan, bo‘yi 165 sm dan past bo‘lmagan (erkak) fuqarolar murojaat qilishlari mumkin.

Ichki ishlar organlariga kirish istagida bo‘lgan nomzodlar Qarshi shahar ichki ishlar boshqarmasiga shaxslarini tasdiqlovchi:

- fuqarolik pasporti yoki ID-karta (asl nusxasi);

- oliy maʼlumoti to‘g‘risidagi diplom (asl nusxasi va ilovasi);

- harbiy guvohnoma (asl nusxasi) bilan kelishlari so‘raladi.

Qabul va tanlov shartlari bo‘yicha to‘liq ma’lumotlarni viloyat IIBning “Qashqadaryo viloyati IIB” (https://t.me/kashuvd) telegram kanalidan olishingiz mumkin. 

Manzil: Qashqadaryo viloyati, Qarshi shahar, Alisher Navoiy ko‘chasi 6-uy.

Ma’lumot uchun telefon: (75) 221-43-31

QASHQADARYO VILOYATI IIB MA’NAVIY-MA’RIFIY ISHLAR VA
KADRLAR BILAN TA’MINLASH XIZMATI