Ichki ishlar vaziri o‘rinbosari, general-mayor Bekmurod Abdullayev boshchiligidagi ishchi guruhning Qashqadaryo viloyatidagi o‘rganishlari davom etmoqda
Dastavval,
Vazir o‘rinbosari viloyat IIB JXX YHXBda bo‘lib, yo‘l-patrul xizmati
inspektorlari ishtirokida saf ko‘rigi o‘tkazdi. Saf ko‘rigi davomida
xodimlarning xizmatga shayligi, anjomlari hamda saf tayyorgarligini ko‘zdan
kechirdi.
Shuningdek, joriy yilda qurilishi
rejalashtirilayotgan Ko‘kdala va Shahrisabz tumani YHXBlari ma’muriy
binolarining ta’mirlash taqdimot rejasi bilan ham yaqindan tanishdi.
General-mayr
jarayonda xizmat avtomobillarining soni, texnik holatini ko‘zdan kechirib,
xizmat va ish unumdorligini kuchaytirish, yo‘llarda harakat xavfsizligini
ta’minlash hamda huquqbuzarliklarning oldini olish bo‘yicha mas’ullarga
tegishli ko‘rsatma va topshiriqlar berdi.
So‘ngra,
“Qo‘ng‘irtog‘” dala o‘quv poligonida bo‘lib, ichki ishlar va boshqa huquqni
muhofaza qiluvchi organlar xodimlari tomonidan o‘tkazilayotgan o‘quv
mashg‘ulotlari bilan tanishdi.
