Avval xabar berganimizdek, Ichki ishlar vaziri o‘rinbosari — Ma’naviy - ma’rifiy ishlar va kadrlar bilan ta’minlash departamenti boshlig‘i general-mayor Davron Nazarmuxamedov boshchiligidagi ishchi guruh bugun Shahrisabz shahar va Yakkabog‘ , Shahrisabz, Kitob tumanlari ichki ishlar bo‘limlarida jinoyatchilikni “mahallabay” jilovlash orqali xavfsiz muhitni hamda aholi osoyishtaligini ta’minlash, huquqbuzarliklarning barvaqt oldini olish, aholining muammolarini hal etish hamda “ijtimoiy profilaktika” tizimining samaradorligini yanada oshirish maqsadida o‘rganishlar olib bordi.

Hududiy ichki ishlar organlarida bo‘lgan vazir o‘rinbosari avvalo, ma’muriy binoda xodimlar va aholiga yaratilgan sharoitlar bilan yaqindan tanishib, mavjud muammolarga e’tibor qaratdi.

Hududni obodonlashtirish, xizmat xonalarini axborot texnologiyalari bilan jihozlanishi, fuqarolar qabuli uchun yaratilgan shart-sharoitlarni o‘rgandi. 

Ichki ishlar organlarida ma’naviy-ma’rifiy ishlar samaradorligini oshirish, xodimlarning intellektual salohiyati, kasbiy mahoratini yuksaltirish, “xodimbay” ishlash davomida shaxsiy tarkibning oilaviy va boshqa muammolarini o‘rganib, uchrayotgan muammolarini bartaraf etish xususida tegishli tavsiyalar berildi.   

Xodimlar bilan samimiy muloqot davomida har bir ichki ishlar organlari xodimining belgilangan xizmat intizomiga hamda qonuniylikka amal qilishi, fuqarolar bilan xushmumomalada bo‘lishi “Yangi O‘zbekiston - yangi ichki ishlar organlari” tizimini shakllantirishda muhim omil bo‘lib xizmat qilishini alohida ta’kidladi.

Ichki ishlar vaziri o‘rinbosari Shahrisabz tuman IIBda bo‘lim JXX HPB XQMB katta inspektori, podpolkovnik Moxigul Kenjayeva bilan suhbatlashdi. Katta inspektorning tumanda xotin-qizlar o‘rtasida huquqbuzarliklar va jinoyatlarni oldini olish borasida hamkor tashkilotlar bilan amalga oshirayotgan ishlari, ayollar bandligini ta’minlash, huquqlarini himoya qilishga oid faoliyati va kelgusi rejalari haqidagi fikrlarini tingladi. Uning kasbiy faoliyati va intellektual salohiyatini yuqori baholadi.  

O‘rganishlar davomida shahar va tumanlarda kriminogen vaziyatni barqarorlashtirish bo‘yicha olib borilgan ishlar, jinoyat va huquqbuzarliklar sodir etilishiga sabab bo‘layotgan omillar birma bir tahlil qilinib, mas’ullarga tegishli topshiriqlar berdi.

Vazir o‘rinbosari Kitob tumanidagi “Paxtaobod” mahallasiga xizmat ko‘rsatuvchi bo‘lim JXX HPB 56/5-sonli tayanch punktiga tashrif buyurib,  beshlik bilan suhbatlashdi. Muloqot davomida mahallada jinoyatchilikni “mahallabay” jilovlash, osoyishtalikni ta’minlash, aholi bilan “xonadonbay” ishlarni amalga oshirishda huquqbuzarliklarning barvaqt oldini olish, aholining muammolarini hal etish hamda “ijtimoiy profilaktika” tizimi doirasida amalga oshirilgan ishlarni tahlil etdi.

So‘ngra, profilaktika inspektori, katta leytenant Yigitali G‘aniyevning xizmat uyida bo‘lib, yashash uchun oilaviy shart-sharoiti, davlat ramzlari o‘rnatilganligi, hovlidagi obodonchilik ishlarini ko‘zdan kechirdi.

Vazir o‘rinbosarining viloyat bo‘ylab o‘rganishlari davom etmoqda.