Barcha ichki ishlar organlari xodimlari, ta’lim muassasalari o‘qituvchilari, faxriylar kengashi a’zolari va xizmat burchini bajarish chog‘ida halok bo‘lgan xodimlarning oila a’zolarini 25 oktyabr – Ichki ishlar organlari xodimlari bayrami bilan samimiy muborakbod etaman.

Davlatimiz rahbarining tashabbusi hamda bevosita rahbarligida ichki ishlar organlarini kompleks isloh qilish, uning tarkibiy tuzilmalarini optimallashtirish, quyi bo‘g‘in bo‘linmalari natijadorligini oshirishga qaratilgan keng ko‘lamli islohotlar amalga oshirildi.

Jamiyatda huquq-tartibotni, qonun ustuvorligini mustahkamlash, inson huquq va erkinliklarini ta’minlash, jinoyatchilikka qarshi kurashish va huquqbuzarliklarning barvaqt oldini olish tizimi takomillashtirilib, joriy yildan boshlab “mahalla yettiligi” tashkil etildi.

Jinoyatchilikning oldini olish, huquqbuzarliklarning ijtimoiy  profilaktikasini yo‘lga qo‘yish, aholining huquqiy madaniyatini yuksaltirish, fuqarolar ongida qonunga hurmat hissi hayotiy tamoyilni qaror toptirish bo‘yicha bir qator ijobiy ishlar amalga oshirildi.

O‘tgan davrda ichki ishlar tizimi har jihatdan shakllanib, el-yurtimiz manfaatlariga xizmat qiladigan xalqchil, zamonaviy va ixcham tuzilmaga aylandi, deb aytishga bugun barcha asoslarimiz bor.

Bunday yutuqlarning birinchi omili sifatida yurtimizda hukm surayotgan osoyishtalik, xalqimizning tinch-xotirjam hayot kechirishini aytish joiz. Bunda kunu tun xizmat qilayotgan ichki ishlar organlari xodimlarining mashaqqatli va sharafli xizmati borligini e’tirof etish joiz.

Muhtaram Prezidentimiz ichki ishlar organlari xodimlariga yo‘llagan bayram tabrigida “Ishonchim komil, o‘z vazifasini halol va vijdonan ado etadigan ichki ishlar organi xodimi el-yurt o‘rtasida albatta munosib obro‘-e’tibor topadi” deya bejizga ta’kidlamadilar.

Xalqimizda mehnat qilgan elda aziz deganlaridek, Vatan xavfsizligi, el osoyishtaligini ta’minlash, huquqbuzarliklar va jinoyatlarni oldini olish, fuqarolar xavfsizligini ta’minlash borasida samarali xizmat qilib kelayotgan ichki ishlar organlari xodimlari o`tgan yillarda davlatimiz va ichki ishlar vazirining buyrug‘i bilan ko‘krak nishonlari bilan mukofotlanganligi voha osoyishtalik posbonlari xizmatiga berilgan yuksak bahodir.

Sizlarni bugungi bayram bilan yana bir bor qutlar ekanman, barchangizga sihat-salomatlik, baxt va omad, mamlakatimizda barqarorlikni ta’minlash, huquq-tartibotni mustahkamlash va fuqarolarimiz manfaatlarini himoya qilish borasidagi mas’uliyatli vazifalarni ado etishingizda ulkan yutuqlar tilayman.

Yurtimiz hamisha tinch va farovon, osmonimiz musaffo bo‘lsin!

Qashqadaryo viloyat IIB boshlig‘i polkovnik

Shuhratjon Hoshimovich Satvoldiev