Xorijlik sayyoh mamnun
Ispaniya
davlati, Kataloniya provinsiyasidan Shahrisabz shahriga sayohat maqsadida
tashrif buyurgan, 58 yoshli xorijiy sayyoh Agatta Martenes tarixiy markaz
hududida o‘z guruhidan ajralib, hamrohlarini topolmay qoladi.
Shundan
so‘ng, Agatta Martenes xonim zudlikda tarixiy markaz hududida xizmat olib
borayotgan Qashqadaryo viloyati IIB Xavfsiz turizmni ta’minlash boshqarmasi
xodimlariga murojaat qildi.
Murojaat
asosida boshqarma xodimlari kapitan Z.G‘aniyev va leytenant D.Xoldiyorov
tomonidan ispaniyalik sayyohning hamrohlari manzili aniqlanib, Agatta Martenes
xonim o‘z guruhiga qo‘shildi.
Ispaniyalik sayyoh boshqarma xodimlarining
amaliy yordamidan minnatdorligini, bu esa o‘z navbatida hukumatimiz tomonidan
xavfsiz turizmni ta’minlash sohasida olib borilayotgan islohotlarning ijobiy
natijasi ekanligini bildirdi.
