Xizmat intizomini mustahkamlash yo‘lida
Qashqadaryo viloyati IIBda
navbatdagi “Ma’naviyat va ma’rifat darsi” oldingilaridan o‘zgacha tarzda
kechdi. Boshqarma tarkibiy bo‘limlari va sohaviy xizmatlari, shahar-tuman
IIBlari xodimlari videoselektor tarzida ishtirok etgan tadbirda xodimlari ishtirok etgan tadbirda xizmat
intizomini mustahkamlash, qonunchilikka rioya etish, fuqarolar bilan
xushmuomalada bo‘lish, korrupsiya va tamagirlik holatlariga nisbatan murosasiz
bo‘lish xususida so‘z yuritildi.
Ko‘lami keng yig‘ilishda IIV
SHXBB Qashqadaryo viloyati bo‘yicha boshqarmasi O‘MIB tezkor vakili,
podpolkovnik Mirjalol Nazarov respublika va viloyatda ichki ishlar organlari
xodimlari bilan bog‘liq salbiy va favqulodda holatlar haqidagi ma’ruzasi
tinglandi.
Yakunda korrupsion turdagi
jinoyat sodir etilishini oldini olib, zimmasiga yuklangan vazifalarni vijdonan
bajarish bilan birga pora berish jinoyatini fosh etgan bir guruh xodimlar
rag‘batlantirilib, ularning ota-onalariga boshqarma rahbariyatining "Tashakkurnoma"lari
topshirildi. Shundan so‘ng,
navbatdagi maxsus unvonlar o‘z egalariga topshirildi.
