Qarshi shahar IIO FMB, Kasbi, Nishon tumani IIBlarda “Xizmat intizomi va qonuchilikka rioya etish – dolzarb vazifa” mavzusida yig‘ilish bo‘lib o‘tdi. Unda Qashqadaryo viloyati ichki ishlar boshqarmasi va IIV SHXBB Qashqadaryo viloyati bo‘yicha boshqarmasi rahbariyati va mazkur tumanlarning shaxsiy tarkibi ishtirok etdi.

Yig‘ilishda shaxsiy tarkibning xizmat intizomi va qonunchilikka rioya qilishi, xizmat faoliyati davomida fuqarolar bilan xushmuomalada bo‘lishi, ularning murojaatlari bilan ishlash borasidagi faoliyati atroflicha tahlil etildi. 

Ichki ishlar organlari xodimlari fuqarolarning huquq va manfaatlarini himoya qilishda xizmat vazifasini vijdonan bajarib, tizim imidjini oshirish lozimligi borasida taklif va yo‘riqnomalar berildi.

Qamrovi keng tadbir davomida ma’naviy-ma’rifiy ishlar yo‘nalishida amalga oshirilgan ishlari tanqidiy-tahlil etilib, yo‘l qo‘yilgan kamchiliklarni bartaraf etish bo‘yicha manzilli chora-tadbirlar belgilandi.  

IIV SHXBB Qashqadaryo viloyati bo‘yicha boshqarmasi boshlig‘i so‘z olib, ichki ishlar jamoalarida berilgan topshiriqlarni noo‘rin, xizmatga aloqador bo‘lmagan holatlarni muhokama qilish, tamagirlik, korrupsiya va boshqa shu kabi salbiy illatlarning oldini olishga qaratilgan profilaktik hamda ma’naviy-ma’rifiy tadbirlarni kuchaytirish lozimligini ishtirokchilarga tushuntirdi.  

Tahliliy yig‘ilishda xizmat vazifasiga sovuqqonlik bilan yondoshgan ayrim xodimlar qattiq ogohlantirildi.

Bu boradagi ishlar davom ettirilmoqda.