Xavfsizlikni ta’minlash - dolzarb vazifa
Qashqadaryo
viloyati IIB boshlig‘i polkovnik Abduvoxid Ismoilov huzurida Qarshi shahrida
kriminogen vaziyatni jilovlash, jamoat tartibini saqlash, fuqarolar
xavfsizligini ta’minlash, huquqbuzarliklar va jinoyatlarni oldini olish, sodir
etilganlarini fosh etishga bag‘ishlangan yig‘ilish bo‘lib o‘tdi. Unda boshqarma
boshlig‘i o‘rinbosarlari, Qarshi shahar IIO FMB rahbariyati, shahardagi dehqon va oziq-ovqat, kiyim-kechak bozorlari
rahbarlari ishtirok etishdi.
Yig‘ilishda
viloyat IIB boshlig‘i aholi gavjum to‘planadigan maskanlar, bozorlar va uning
atrofida qonunbuzarliklarga barham berishda bozor mas’ullari ichki ishlar
organlari xodimlari bilan hamkorlikda nazorat-kuzatuv ishlarini kuchaytirishi,
jinoyatlarni oldini olish uchun do‘konlarga va bozor hududiga yana qo‘shimcha
videokuzatuv va kameralar o‘rnatib, viloyat IIB markazlashgan integratsiya
tizimiga ulash lozimligini ta’kidladi.
Yakunda
jamoat joylarda tartibni saqlash, xavfsizlikni ta’minlash borasida
ishtirokchilarga tegishli topshiriq va tavsiyalar berildi.
