Harbiy xotin-qizlar bellashuvi
Qarshi shahridagi Oʼzbekiston Respublikasi oliy harbiy Аviatsiya bilim yurtida Mustaqilligining 30 yilligi munosabati bilan viloyat huquqni muhofaza qiluvchi organlar, Janubiy-Gʼarbiy maxsus harbiy okrugi qoʼshinlariga qarashli harbiy qismlarda xizmat qilayotgan harbiy xizmatchi ayollar va harbiy xizmatchilarning turmush oʼrtoqlari oʼrtasida sportning valeybol turi boʼyicha musobaqa boʼlib oʼtdi. Unda oʼnga yaqin xotin-qizlar jamoalari oʼzaro bellashdilar.
Qizgʼin va murosasiz bahslarga boy musobaqada har bir jamoa gʼoliblik uchun kurashdi. Musobaqada Qarshi shahridagi oliy harbiy Аviatsiya bilim yurti jamoasi gʼoliblikni qoʼlga kiritdi. Navbatdagi sovrinli oʼrinlarni esa viloyat IIB va Bojxona boshqarmasi valeybolchilari band etdi.
Gʼolib jamoalar Janubiy-Gʼarbiy maxsus harbiy okrugining “Diplom” va qimmatbaho sovgʼalari bilan taqdirlandi.
