Bugungi kunda yoshlarga sifatli ta’lim berish, zamonaviy pedagogik texnologiyalardan foydalangan holda ta’lim sifatini yaxshilash har bir ta’lim muassasasining asosiy vazifalaridan biridir. Ichki ishlar vazirligi Qashqadaryo akademik litseyida ham bu borada bir qancha amaliy ishlar joriy etilmoqda.

Ichki ishlar vazirligi Qashqadaryo akademik litseyi Tillarni o‘rganish kafedrasi ona tili va adabiyot fani o‘qituvchisi Ravshanova Mo‘tabar Kamolovna 2024 yil 14-noyabrkuni 2-kurs 23-03 guruhda adabiyot fanidan “Xamsa”chilik tarixi, ”Saddi Iskandariy” dostoni mavzusida ochiq dars o‘tdi.

Darsda “Kichik guruhlarda ishlash”, “Kim topqir?”, “Davom et…”, ”Tasniflash”, “Zanjir”, ”O‘nta dalil” kabi zamonaviy pedagogik texnologiyalardan foydalanildi. Alisher Navoiy ijodi haqida slayd va videolavhalar taqdim etildi.

Mavzu yuzasidan ulug‘ ijodkor Alisher Navoiyning “Saddi Iskandariy” dostonining qahramoni Iskandar shohning siymolari sahna ko‘rinishi qismida o‘quvchilar tomonidan gavdalantirildi. Navoiy she’riyati asosida mushoira o‘tkazildi.

Dars jarayonida o‘qituvchi va o‘quvchilar o‘rtasidagi hamkorlik, dars usullari orqali o‘quvchilarning faolligi yuqori darajada bo‘ldi. Ochiq dars o‘quvchilarni Vatanga muhabbat, mehnatsevarlik, chin insoniylik ruhida tarbiyalashda ma’naviy saboq darsi bo‘lib, har tomonlama namunali tashkil etildi.