Viloyat IIB boshligʼi 3-sektor rahbari Shuhratjon Satvoldiev Chiroqchi tumani "Qahramon" mahallasida aholi vakillari bilan uchrashib, mahallada baliqchilik tarmogʼini rivojlantirish istagida boʼlgan fuqarolarga amaliy yordam berayotganligi haqida xabar qilgan edik.

"Qahramon" va "Sohil" mahallalari aholisi yashash xonadonlarida intensiv usulda baliq yetishtirish uchun suv havzasi qurilish ishlarini viloyat IIB boshligʼi yordami bilan boshlab yuborishdi. Аholi xonadonlariga intensiv usulda baliq boqish uchun tayyorlanadigan suv havzalarini qurilish ishlari uchun qum-shagʼal aralashmasi yetkazilib, qurilish ishlari boshlab yuborildi.

Tuman hokimining birinchi oʼrinbosari Erkin Boboqulov hamda tuman IIO FMB boshligʼi Аktamali Beshimqulov hamroxligida viloyat IIB boshligʼi baliqchilik tarmogʼi tobora rivojlanib borayotgan tumanning Qahramon va Sohil mahallalarida baliqchilik tarmogʼini rivojlantirayotgan aholi xonadonlarida boʼlib qurilish ishlari bilan yaqindan tanishib, mahallalarning oʼziga xos usuv nuqtasi (drayver)i sanalgan baliqchilik tarmogʼini rivojlantirish va ushbu yoʼnalishda aniq va samarali ishlash mexanizmni yulga qoʼyish masalalariga oid oʼzining koʼrsatma va tavsiyalarini berdi.

Shuningdek, Sh.Satvoldiev usuv nuqtasi baliqchilik sohasi boʼlgan Sohil va Qahramon mahallalarida aholi xonadonlari, tadbirkorlik obʼektlarida boʼlib amalga oshirilgan ishlar, kelgusidagi rejalar va yechimini kutayotgan masalalar haqida tuman mutasaddi rahbarlari bilan suhbatlashib, oʼz tajribalar bilan oʼrtoqlashdi.