Xalqaro innovatsion universitetda “Jaholatga qarshi ma’rifat” mavzusida tadbir o‘tkazildi
Unda
Qashqadaryo viloyati IIB TQKB bo’lim
boshlig’i, mayor F.Muxammadiyev, Qashqadaryo viloyati IIB Terrorizmga qarshi
kurashish bo’limi mutaxassislari D.Haqberdiyev, M.G'afurovlar hamda universitet
rektori A.Mallayev, prorektor F.Rajabova, professor-o‘qituvchilar,
talaba-yoshlar qatnashdi.
Tadbirda
so‘zga chiqqanlar bugun mamlakatimizda qonun ustuvorligini ta’minlash, aholi,
ayniqsa, yoshlar o‘rtasida jinoyatchilik va huquqbuzarliklarning oldini olish
borasida amalga oshirilayotgan chora-tadbirlar haqida fikr-mulohazalarini bayon
qilishdi.
Shuningdek,
dunyoda yuz berayotgan murakkab geosiyosiy va g‘oyaviy-mafkuraviy
jarayonlarning mazmun-mohiyati har tomonlama chuqur tushuntirildi. Terrorizm
va diniy ekstremizm, radikalizm, aqidaparastlik, separatizm, odam savdosi,
"ommaviy madaniyat" va shu kabi turli tahdidlar to‘g‘risida
ma’lumotlar berilib, yoshlarni ayni vaqtda puxta bilim olishga, turli
kasb-hunarlarni boshini tutishga, qolaversa bo‘sh vaqtlarini mazmunli
o‘tkazishda badiiy kitoblar mutolaa qilishga chorladilar.
