Qashqadaryo viloyati IIBda ichki ishlar organlarida xizmat qilayotgan xodimlar oʼrtasida “Eng yaxshi hududiy ichki ishlar organi boshligʼi”, “Eng yaxshi profilaktika inspektori”, “Eng yaxshi tergovchi”, “Eng yaxshi tezkor xodim” koʼrik-tanlovlari boʼlib oʼtdi. Unda viloyat ichki ishlar boshqarmasi sohaviy xizmatlari va shahar-tuman IIB boshliqlari va xodimlari ishtirok etishdi.
Oʼz kasbining eng yaxshilarini aniqlash maqsadida oʼtkazilgan koʼrik-tanlovda soha vakillarining jismoniy va jangovar tayyorgarligi sinovdan oʼtkazildi. Bundan tashqari xodimlar oʼrtasida sogʼlom raqobat muhitini shakllantirish, Vatan oldidagi sharafli burchini ado etib, jinoyatchilikka qarshi kurashish, roʼy berganlarini fosh etish bilan birga maʼnaviy-maʼrifiy bilimi muntazam oshirib borish xislatlariiga ham eʼtibor qaratildi.
Qizgʼin va murosasiz bahslarga boy boʼlgan tanlovning “Eng yaxshi hududiy ichki ishlar organi boshligʼi” nominatsiyasida 1-oʼrinni Nishon tumani IIB boshligʼi podpolkovnik Sherzod Shokirov, 2-oʼrinni Qamashi tumani IIB boshligʼi mayor Nuritdin Meyliev, 3-oʼrinni Yakkabogʼ tumani IIB boshligʼi podpolkovnik Dilshodjon Umarov qoʼlga kiritdi.
Tanlovning “Eng yaxshi profilaktika inspektori” nominatsiyasida esa Mirishkor tumani IIB 3-sonli IIB HPG TP profilaktika inspektori leytenant Ibrohim Atavullaev gʼolib boʼldi. Navbatdagi oʼrinlarni esa Koson tumani IIB HPB TP profilaktika inspektori katta leytenant Xolbek Qarshiev va Kitob tumani IIB HPB TP profilaktika inspektori katta leytenant Dilshod Sultonov band etdi.
“Eng yaxshi tergovchi” nominatsiyasida Muborak tumani IIB huzuridagi Tergov boʼlinmasi tergov guruhi katta tergovchi lavozimi hisobidan tergovchisi katta leytenant Erali Xasanov, Muborak tumani iib Tergov boʼlinmasi boshligʼi mayor Bekzod Turdiboev va Qarshi shahar IIO FMB 4-son IIB tergov boʼlinmasi surishtiruvchisi kapitan Nilufar Qahramonovalar barcha hamkasblaoridan yaxshi ekanligini namoyish etib, gʼolib boʼlishdi.
“Eng yaxshi tezkor xodim” tanlovida Qashqadaryo viloyati IIB Terrorizm va ekstrimizmga qarshi kurashish boshqarmasi yetakchi mutaxassisi kapitan Аsror Nuraliev sovrindor boʼldi. Navbatdagi oʼrinlarni esa Qarshi tumani IIB jinoyat qidiruv boʼlinmasi tezkor vakili katta leytenant Jasur Islamov va viloyai IIB transportda xavfsizlikni taʼminlash boshqarmasi terrorizm va ekstremizmga qarshi kurashish guruhi tezkor vakili katta leytenant Ruslan Suvonov egalladi.
Koʼrik-tanlov gʼoliblari pul mukofoti va qimmatbaho sovgʼalari bilan taqdirlandi. Endi gʼoliblar tanlovning respublika bosqichida ishtirok etadi.