1 Sentyabr 2021 yil
531
Yoshlarni ommaviy sportga jalb qilish va ularning sport bilan muntazam shugʼullanishi har jihatdan foydali. Аmmo sport bilan shugʼullangach, toʼplangan tajriba va kuchni gʼarazli maqsadlarga sarflash esa eng xavfli illatdir
Jinoyatchilikni oldini olish maqsadida viloyatdagi huquqni muhofaza qiluvchi organlar tashabbusi bilan Shahrisabz, Yakkabogʼ tumanlarida yoshlar oʼrtasida sport bilan shugʼullanishni toʼgʼri targʼib qiluvchi targʼibot tadbirlari tashkil etilmoqda.
Qashqadaryo viloyati IIB hamda tuman IIB xodimlari bilan birgalikda ishchi guruh bir nechta sport toʼgaraklari – ogʼir atletika, fitnes va shu kabi bir qator sport toʼgaraklariga tashrif buyurib, murabbiy va sportchilar bilan suhbatlashdi. Ularga sport yovuzlikka emas, ezgulikka xizmat qilishi gʼoyasi atroflicha tushuntirildi.
Bu yoʼnalishdagi tadbirlar viloyatning boshqa hududlarida ham davom etmoqda.
