“ENG YAXSHI KITOBXON”
“Ichki ishlar organlarida maʼnaviy-maʼrifiy ishlarni tashkil etish kontseptsiyasi”ga asosan Qashqadaryo viloyati IIBda “Eng yaxshi kitobxon” koʼrik-tanlovi boʼlib oʼtdi. Unda viloyat IIBning sohaviy xizmatlari xodimlari ishtirok etishdi.
Viloyat IIB Kadrlar boshqarmasi, IIV Qashqadaryo akademik litseyi oʼqituvchilar baholab borgan musobaqada ishtirokchilar uch yoʼnalishda oʼzaro bellashdilar. “Eng faol bilimdon”, “Hozirjavob kitobxon” va “ Eng yaxshi kitobxon” nominatsiyalarida ishtirokchilar bor bilim va mahoratini ishga solib gʼoliblik uchun kurashdilar.
Koʼrik-tanlov natijalariga koʼra viloyat IIB xodimlari katta leytenant Nilufar Qaxramonova “Eng faol bilimdon” deb eʼtirof etildi. Leytenantlar Javohir Turdiev “Hozirjavob kitobxon” yoʼnalishida va Ravshanbek Аbdullaev “ Eng yaxshi kitobxon” nominatsiyasida gʼoliblikni qoʼlga kiritishdi.
Gʼolib kitobxonlar Qashqaldaryo viloyati IIBning diplomi va qimmatbaho sovgʼalari bilan taqdirlandi.
Shuningdek, IIV Qashqadaryo akademik litseyi oʼquvchilari Shahrizoda Oʼsarqulova, Mashhura Mirzaeva va Аsilbek Rashidovlar faol ishtirok uchun ragʼbatlantiruvchi mukofotlarga sazovor boʼlishdi.
