Mamlakatimizda joriy yilning 1 fevralidan 1 mart kuniga qadar “Yoshlar orasida giyohvandlik vositalari va psixotrop moddalar tarqalishiga qarshi kurashish oyligi” o‘tkazilmoqda.

Shu munosabat bilan ichki ishlar organlari xodimlari hamkor tashkilotlar bilan birgalikda bir qator tezkor profilaktik tadbirlarni o‘tkazmoqda.

Olib borilayogan profilaktik tadbirlarga qaramasdan  joriy yilning 6 fevral kuni Qashqadaryo viloyati ichki ishlar boshqarmasi tezkor qidiruv xizmati jinoyat qidiruv boshqarmasi xodimlari tomonidan Shahrisabz tumani “Chorshanbe” mahallasida o‘tkazilgan tezkor tadbirda fuqaro M.Y. dan 5 dona gugurt qutiga joylangan 25 gramm og‘irlikdagi “Marixuana” giyohvandlik vositasini 2.000.000 so‘mga sotgan vaqtda ushlandi.

Fuqaro M.Y.bilan olib borilgan dastlabki surishtiruvlarda  giyohvandlik moddasini Shahrisabz tumani “Shanbe” mahalalsida yashovchi nafaqaxo‘r X.K.dan 1500 000 so‘m pul evaziga sotib olganligini bildirgan. Fuqaro X.K. ning yashash xonadoni ko‘zdan kechirilganida 8 dona gugurt qutiga hamda xar-xil rangdagi selofanlarga solingan jami: 1 kg  018 gramm  og‘irlikdagi  “Marixuana” giyohvandlik vositasini saqlab kelayotganligi aniqlanib,  olingan ashyoviy dalillar protsessual tartibda hujjatlashtirib olindi.

Hozirda holat yuzasidan jinoyat ishi qo‘zg‘atilib, dastlabki tergov harakatlari olib borilmoqda.