Shahrisabz tuman IIBda 2024 yil - Yoshlar va biznesni qo‘llab-quvvatlash yili munosabati bilan bo‘limda xizmat qilayotgan yosh xodimlar bilan uchrashuv bo‘lib o‘tdi. Unda boshqarma MMI va KBTX rahbariyati, faxriylar va Ma’naviy-ma’rifiy ishlar bo‘limi Yoshlar bilan ishlash guruhi hamda tuman IIBning yosh xodimlari ishtirok etishdi.

 Ko‘lami keng yig‘ilishda so‘z olgan Ma’naviy-ma’rifiy ishlar bo‘limi Yoshlar bilan ishlash guruhi katta inspektori, katta leytenant Muzaffar Bashirov ichki ishlar organlarida  tashabbuskor va intilluvchan yosh xodimlarni qo‘llab-quvvatlash, ularni innovatsion g‘oyalarga undash, jamiyat va davlat boshqaruvida faol ishtirok etishlari, dunyoqarashini kengaytirish, kitobga bo‘lgan qiziqishlarini oshirish, kasbiy mahoratini yuksaltirish hamda xizmat va xizmatdan tashqari vaqtlarda xizmat intizomi va qonunchilik talablariga qat’iy rioya etishlari,  turli xil noxush holatlar keltirib chiqarmasliklari to‘g‘risida ma’ruza qildi.

Bundan tashqari, Ichki ishlar organlari xodimlarining kasbiy madaniyat va xizmat intizomi Kodeksi talablari, qonunchilik va IIVning meyoriy buyruqlari talablariga amal qilishlari lozimligi to‘g‘risida ogohlantirdi.

Yig‘ilishda ilg‘or natijalarni qo‘lga kiritayotgan xodimlarning yutuqlari va ularni rag‘batlantirish borasida amalga oshirilgan ishlar ular e’tiboriga yetkazildi.

Bu boradagi ishlar davom etttirilmoqda.