Yoshlar kiberjinoyatchilikka qarshi
Kiberjinoyatlar–bugungi kundagi asosiy
tahdidlardan biri. Kibermakondagi jinoyatlarning boshqa jinoyatlardan farqi bu
jinoyatni shaxs masofadan sodir qiladi, inson bu jinoyatni o‘z ko‘zi bilan
ko‘rmaydi, bu jinoyatda inson hayotiga
emas balki ma’lumotlariga hujum bo‘ladi.
Qarshi davlat universiteti Iqtisodiyot fakultetida tashkil etilgan
tadbirda hozirgi kunda uchrayotgan kibertahdidlar, internet tarmog‘idagi
huquqbuzarliklar va ulardan himoyalanish bo‘yicha tegishli ko‘rsatmalar berib
o‘tildi.
Shuningdek, shaxsiy ma’lumotlarni oshkor
qilmaslik, onlayn qimor o‘yinlarini o‘ynaganlik uchun belgilangan javobgarlik
masalalari, plastik kartasi bilan bog‘liq ma’lumotlarni begona shaxslarga
bermaslik hamda zararli havolalarga kiritmaslik zarurligi ta’kidlandi. Tadbirda
Qashqadaryo viloyat IIB TQX Kiberxavfsizlik bo’limi boshlig’i, kapitan Akrom
Ubaydullayev hamda Umib tezkor vakili, podpolkovnik Laziz Jo’rayev, Xotin-qizlar
masalalari bo‘yicha rektor maslahatchisi G.Ravshanova, universitet profilaktika
inspektori, kapitan M.Jabbarov ishtirok etib, mavzu doirasida ma’ruza qildi.
Yoshlar ogohlikka chaqirildi. Targ‘ibot tadbirlari davom etmoqda.
