O‘zbekiston Respublikasi Ichki ishlar vazirligi Qashqadaryo akademik litseyi 2024-2025 o‘quv yili uchun o‘quvchilarni o‘qishga taklif etadi. Akademik litseyiga o‘qish istagini bildirgan Qashqadaryo viloyati hududida yashovchi umumta’lim maktablarining
9-sinf bitiruvchilardan arizalar 2024 yil 1 – fevraldan  15 – aprelgacha qabul qilinadi. Dastlabki tanlov, maxsus-professional tanlov va test sinovlaridan muvaffaqiyatli o‘tgan nomzodlar litseyda ta’lim olish imkoniga ega bo‘lishadi. Litseyda o‘qishni xoxlovchilar litseyga quyidagi hujjatlarni taqdim etishlari lozim.

Hududiy ichki ishlar organlari rahbari nomiga ariza, so‘rovnoma, o‘qish joyi va mahalla fuqarolar yig‘inidan tavsifnoma, tarjimai hol, tug‘ilganlik haqida guvohnoma yoki pasport nusxasi, fanlarni o‘zlashtirishi to‘g‘risida o‘qish joyidan ma’lumotnoma, 3x4 o‘lchamdagi 6 dona fotosurat hamda 9x12 o‘lchamdagi 2 dona fotosurat.

Dastlabki tanlovda nomzodlarning tegishli xujjatlar va uni tavsiflovchi ma’lumotlari individual-psixologik hususiyatlari o‘rganiladi, xarbiy-tibbiy ko‘rigidan va yakka tartibdagi dastlabki suhbat o‘tkaziladi.

Dastlabki tanlovdan o‘tgan nomzodlar maxsus-professional tanlovda ishtirok etishadi.

Xususan, yozma ish (diktant), umumjismoniy tayyorgarligi, yakka tartibdagi yakuniy suhbat.

Keyingi bosqichda Davlat test markazi tomonidan test sinovlari olinadi. IIV akademik litseylariga dastlabki va maxsus-professional tanlov natijalariga javob beradigan xalqaro fan olimpiadalarining respublika bosqichi, shuningdek Maktabgacha va maktab ta’lim vazirligi, Madaniyat va turizm vazirligi, Yoshlar siyosati va sport vazirligi (Xalq ta’lim vazirligi, Madaniyat vazirligi hamda Jismoniy tarbiya va sport davlat qo‘mitasi) tomonidan o‘tkaziladigan tanlovlar va musobaqalar g‘oliblari, o‘z xizmat vazifalarini bajarish chog‘ida halok bo‘lgan xarbiy xizmatchilari va huquqni muhofaza qilish organlari xodimlarining farzandlari, Ichki ishlar vazirligi ixtisoslashgan maktab-internatining dastlabki tanlov natijalariga javob beradigan bitiruvchilari maxsus-professional tanlov va test sinovlarsiz imtiyoz asosida qabul qilinadi.

Akademik litseyda o‘qish muddati 2 yil bo‘lib o‘quvchilarning ta’lim olishlari uchun barcha qulayliklar yaratilgan. Xususan shinam va yorug‘ zamonaviy o‘quv jihozlari bilan ta’minlangan o‘quv xonalari internet tarmog‘iga ega bo‘lgan axborot resurs markazi 200 o‘rinli o‘quvchilar turar joyi hamda 300 o‘rinli oshxona o‘quvchilar ixtiyorida.

Dars mashg‘ulotlari Ichki ishlar akademiyasi o‘quv rejalari va dasturlari asosida olib boriladi. O‘zbekiston Respublikasi Prezidentining 2023 yil 20 yanvardagi
10-sonli qaror talablariga asosan akademik litsey tarkibada tayyorlov markazi faoliyat olib bormoqda. Tayyorlov markazida tarix, huquq, ingliz tili, ona tili va adabiyot fanlaridan, sportning qo‘l jangi va jangovor sambo turlari bo‘yicha to‘garaklar mavjud.

Bitiruvchilarga akademik litseyni tamomlaganlik to‘g‘risida diplom hamda ishtimoiy gumanitar ta’lim yo‘nalishida bo‘yicha maxsus chuqurlashtirilgan tayyorgarlikni talab etmaydigan alohida mutaxassisliklar bo‘yicha davlat namunasidagi sertifikat beriladi.

Manzil: Qarshi shahri Buyuk Turon ko‘chasi 56-uy, Mo‘ljal. Aeroport yo‘nalishi