Buyuk siymolarga ehtirom
Buyuk shoir va mutafakkir, atoqli davlat va jamoat arbobi Alisher Navoiy tavalludining 581 yilligi va shoh va shoir Zahiriddin Muhammad Bobur tavalludining 539 yilligi munosabati bilan munosabati bilan Qashqadaryo viloyati IIB tasarrufidagi “Yulduzcha” maktabgacha taʼlim tashkilotida “Buyuk ajdodlarni yod etamiz” nomli tadbir boʼlib oʼtdi. Unga viloyat IIB sohaviy xizmatlari xodimlari, ota-onalar taklif etildi.
Tadbirni boshqarma maʼnaviy-maʼrifiy ishlar va kadrlar bilan taʼminlash xizmati boshligʼi oʼrinbosari podpolkovnik Shermuhammad Muslimov ochdi.
Tadbirda katta guruhda tarbiyalanuvchi bolajonlar dunyo tamadduniga ulkan hissa qoʼshgan buyuk ajdodlar siymosini gavdalantirib, ishtirokchilarga ularning sheʼr va gʼazallaridan namunalar oʼqishdi.
Bundan tashqari bogʼcha tarbiyachilari tomonidan sahna chiqishlari va buyuk siymolarning sheʼr va gʼazallari, asarlaridan parchalar aytib berishdi.
Tarbiyachi va tarbiyalanuvchilarning sahna chiqishlari chiqishlari tomoshabinlarda katta qiziqish uygʼotdi.
