Qashqadaryo viloyati IIB xotin-qizlaridan iborat guruh Ko‘kdala tumani xotin-qizlari bilan uchrashuv o‘tkazdi. Tuman xotin-qizlarining kundalik va maishiy muammolarini o‘rganish hamda yechim topish maqsadida tashkil etilgan tadbirda ularni qiziqtirgan, o‘ylantirgan barcha murojaatlar tinglandi.

Tuman xotin-qizlarining huquqiy bilimlarini oshirish va hayotga porloq kelajak nigohida boqishlari uchun viloyat IIB xotin-qizlar mas’ullari tomonidan huquqiy tushuntirish ishlari olib borildi.

Navbatdagi manzil - tumanda joylashgan 47-maktabda 100 ga yaqin xotin-qizlar bilan xuddi shu tartibdagi uchrashuv davom ettirildi. Hozirda ayollarning ijtimoiy-siyosiy faolligini oshirish, ularning turli soha va tarmoqlarda o‘z qobiliyat va imkoniyatlarini ro‘yobga chiqarishi uchun Ko‘kdala tumanida ham ayollarga keng shart-sharoitlar yaratib kelinayotganiqayd etildi.

Ko‘kdala tumanida ham qizlarining kelajagiga befarq bo‘lmagan, ularning qiziqishlarini inobatga olgan holda qo‘llab-quvvatlab kelayotgan sharoit va imkoniyat qilib berayotgan ota-onalar ko‘pchilik.

Xuddi shunday qizlari ortidan faxrlanib yurgan ota-onalar quvonchiga ham guvoh bo‘ldik. o‘z qiziqishlari bilan bugungi kunda ham o‘qishini ham hunarini uddalay olgan Mohira har xil turdagi bir biridan chiroyli gular yasash orqali kichkina tadbirkorligi bilan Ko‘kdala tumani aholisini xursand qilib kelmoqda

Ayollar huquq va qonuniy manfaatlariga so‘zsiz rioya qilinishini ta’minlash, onalik va bolalikni har tomonlama qo‘llab-quvvatlash, shuningdek, oila institutini mustahkamlash borasida keng ko‘lamli ishlarni amalga oshirish rejasi bugungi kunda hayotga tatbiq etilmoqda.