Bolajonlar oromgoh bag‘rida
Qashqadaryo viloyati ichki ishlar
boshqarmasiga qarashli “Guliston” oromgohi birinchi mavsumga 120 nafar ichki
ishlar organlari xodimlarining farzandlarini qabul qildi. Ular orasida viloyat
ko‘zi ojizlar jamiyati a’zolarining o‘n nafar farzandlari ham bor.
Oromgohda bolalarning bo‘sh vaqtlarini maroqli
va mazmunli o‘tkazishlari uchun yetakchi tarbiyachilar tomonida bir qator
to‘garaklar tashkil etilgan. Bolajonlar maktabda olgan bilimlarini bu yerda
sinovdan o‘tkazishadi. Shu bilan birga sakkiz yuzga yaqin badiiy kitoblar
jamlangan kutubxonadan foydalanib, bilimini yanada boyitadi.
Shahrisabz tuman IIB xodimlari oromgohda
huquqbuzarliklarni oldini olish, bolalar xavfsizligi va jamoat tartibini
saqlashga mas’ul etib qo‘yilgan.
Shuni alohida aytish lozimki, ushbu oromgohda
bolalar o‘rtasida turli tanlovlar hamda sport musoboqalari o‘tkazishga alohida
e’tibor qaratilmoqda. Vaqti vaqti bilan
hamda tabiat qo‘yniga sayohat uyushtirish ham rejada bor.
Bu esa bolajonlarning maroqli va mazmunli dam
olishlarida katta ahamiyat kasb etishi shubhasizdir.
