Avlodlar tajribasi – ibrat maktabi
Shahrisabz shahar Madaniyat saroyida O‘zbekiston Respublikasi Qurolli kuchlarining 31 yilligi hamda 14 yanvar – Vatan himoyachilari kuni munosabati bilan “ Uch avlod uchrashuvi” bo‘lib o‘tdi. Unda Qashqadaryo viloyati ichki ishlar boshqarmasi, boshqarma “Faxriylar kengashi”, Shahrisabz shahar va Kitob, Yakkabog‘ Shahrisabz tumanlari ichki ishlar bo‘limlarida xizmat qilayotgan xodimlar va yoshlar ishtirok etishdi.
Tadbirda so‘z olganlar ichki ishlar organlari xodimlarida Vatanparvarlik, yurtga kasbga sadoqat tuyg‘ularini shakllantirish, kasbiy jangovarligini oshirish, xizmat intizomi buzilishini oldini olish, ijtimoiy-huquqiy himoya qilish, korrupsiya holatlariga murosasiz bo‘lish xususida fikr-mulohazalarini bildirishdi. Ushbu jarayonda yoshlarni Vatanga, kasbga sadoqat, yurtga muhabbat ruhida tarbiyalash, ularning bu boradagi bilim va tajribalarini oshirish, favqulodda va qaltis vaziyatlarda to‘g‘ri va oqilona qaror qabul qilishi borasida faxriylar o‘z tajribalari bilan o‘rtoqlashdilar.
Uchrashuvda shaxsiy tarkibning ma’naviy-ma’rifiy bilimini oshirib borish xizmat intizomi va qonunchilikka rioya etishi, xizmatda xushmuomalalik bo‘lishi xususida ham tegishli taklif va tavsiyalar berildi.
Bu boradagi ishlar joylarda davom ettirilmoqda.