АRZONLАSHTIRILGАN KITOBLАR YARMАRKАSI
Qashqadaryo viloyati IIBda Oʼzbekiston Respublikasi IIVning 2021 yil 03 iyulь kunidagi “Ichki ishlar organlari xodimlari oʼqishi uchun tavsiya etiladigan adabiyotlar roʼyxatini tasdiqlash toʼgʼrisidagi ”gi buyrugʼiga asosan shaxsiy tarkibning kitobxonlik madaniyatini rivojlantirish, xodimlarni kitobga boʼlgan qiziqishini oshirish maqsadida arzonlashtirilgan kitob yarmarkasi boʼlib oʼtdi. .
Jahon adabiyotining nodir asarlari, milliy va xorijiy adiblar qalamiga mansub kitoblar yarmarkasida ichki ishlar organlari xodimlari oʼzlarini qiziqtirgan badiiy va ilmiy kitoblarni xarid qilishdi.
- Yangi yil bayrami arafasida kitob yarmarkasi tashkil etilgani ayni muddao. Bu xodimlarning vaqtini tejash bilan birga bayramga munosib sovgʼa qilish uchun ham qulay boʼldi, - deydi boshqarma Tibbiyot boʼlimi HTK raisi mayor Shorasul Haydarov. – Kitoblar yarmarkasida “Temur tuzuklari” va Oʼtkir Xoshimovning “Ikki eshik orasi” asarini xarid qilaman.
Ichki ishlar organlarida kitobxonlik va kitob oʼqish madaniyatini yuksaltirish borasida amalga oshirilayotgan ishlar jadal davom etmoqda.
