Shahrisabz tumanida o'tkazilayotgan "Probatsiya oyligi" hamda "Xavfsiz hudud va mulkiy turdagi jinoyatlar profilaktikasi oyligi" doirasida tadbirlar davom etmoqda.
Shu munosabat bilan, bugun Shahrisabz tumani IIB majlislar
zalida Shahrisabz tumani IIB JXX Probatsiya guruhi nazoratida sud tomonidan
tayinlangan ozodlikdan mahrum qilish bilan bog‘liq bo‘lmagan jazolarni o‘tayotgan
18 yoshdan 30 yoshgacha bo‘lgan Yoshlar va Ayollar uchun Shahrisabz tuman
sektor rahbarlarining navbatdagi uchrashuvi tashkil etildi.
Unda tuman prokurori B.Xudoyqulov, tuman IIB boshlig‘i
A.Djurayev hamda tuman DSI boshlig‘i A.Yuldoshevlar
shuningdek tumandagi hamkor tashkilotlar ma’sul vakillari ishtirok etishdi.
Yig‘ilish davomida probatsiya nazoratidagi shaxslarni qiynab kelayotgan
muammolar yuzasidan ularning murojaatlari tinglanib, nazoratdagi shaxslar
tomonidan qilingan murojaatlar yuzasidan ma’sul tashkilotlarga tegishli
topshiriqlar berilib, 5 nafar nazoratdagi shaxslarning tadbirkorlik faoliyatini
tashkil etish, fuqarolik pasportini rasmiylashtirish hamda maishiy turmush
doirasidagi murojaatlari shu joyning o‘zida ijobiy hal etildi.
