Qarshi shahrining ayrim ko‘chalarida transport vositalari qatnovi vaqtincha cheklanadi.
Qarshi shahar hokimining 2024 yil 19 mart kunidagi
19-4-69-F/24-sonli farmoishiga asosan Qarshi shahrida “Navro‘z” umumxalq
bayrami tantanalarini o‘tkazish jarayonida yo‘l harakati xavfsizligini
ta’minlash maqsadida Qarshi shahrining ayrim ko‘chalarida transport vositalari
qatnovi vaqtincha cheklanadi.
“Navro‘z” umumxalq bayrami tantanalarini o‘tkazish
munosabati bilan 2024-yil 19-mart soat 22:00dan 2024-yil 20 -mart kuni soat
22:00ga qadar Mustaqillik shoh ko‘chasining “Mustakillik - I.Karimov"
ko‘chalari kesishgan chorrahasidan "Mustaqillik - Nasaf” (Globus)
ko‘chalari kesishgan chorrahasigacha avtoqatnov yo‘llarida vaqtincha avtomobil
harakati cheklanadi.
Xavfsizlikni ta’minlash bayramni ko‘tarinki kayfiyatda
o‘tkazish uchun yo‘l harakati qatnashchilaridan cheklovlarni to‘g‘ri qabul
qilgan holda, YPX xodimlarining ko‘rsatmalariga qat’iy amal qilishlarini
so‘raymiz.
