8 Fevral 2024 yil 275

Qarshi shahridagi ta’lim muassasalarining o‘quvchi yoshlari o‘rtasida profilaktik targ‘bot ishlari o‘tkazib kelinmoqda

O‘zbekiston Respublikasi Prezidentining «Ichki ishlar organlari xodimlarini tayyorlash, qayta tayyorlash va malakasini oshirish tizimini tubdan takomillashtirish chora-tadbirlari to‘g‘risida» 2017 yil 16 avgustdagi PQ-3216-son qarori ijrosini ta’minlash, shuningdek, Ichki ishlar vazirligi Akademiyasiga jismonan sog‘lom, ma’naviy yetuk va intellektual salohiyatli nomzodlarni tanlash va o‘qishga qabul qilinishi maqsadida, IIV Akademiyasi Tashkiliy-shtab faoliyati kafedrasi o‘qituvchisi mayor A.B.Tursunov hamda Qashqadaryo viloyat IIB Ma’naviy-ma’rifiy ishlar va kadrlar bilan ta’minlash xizmati boshlig‘ining kadrlarni tayyorlash bo‘yicha yordamchisi podpolkovnik U.Abdusalomovlar tomonidan Qarshi shahridagi ta’lim muassasalarining o‘quvchi yoshlari o‘rtasida profilaktik targ‘bot ishlari o‘tkazib kelinmoqda.

Xususan, o‘tkazilgan targ‘ibot ishlari davomida IIV Akademiyasining bakalavriatining kunduzgi ta’lim shakliga nomzodlarni tanlash va o‘qishga qabul qilish tartibi to‘g‘risidagi, akademiyada kursantlar bilan olib borilayotgan interfaol ta’lim yo‘nalishlari va yaratilgan qulay shart-sharoitlar to‘g‘risida batafsil tushunchalar berildi. Uchrashuvda o‘quvchi yoshlarning qiziqtirgan savollariga batafsil javoblar berildi.

Text to speech