Bugun mamalakatimizda jinoyatchilikni “mahallabay” jilovlash, aholining kunlik ijtimoiy-maishiy muammolarini “oilabay” va “fuqarobay” hal etish bo‘yicha yangicha ishlash tizimi yaratildi. Natijada sektor rahbarlari tomonidan fuqarolarning kundalik va maishiy muammolari joyida hal etilib,  ortiqcha ovvoragarchiliklarning oldi olinmoqda.

Biroq fuqarolarga davlatimiz tomonidan yaratilayotgan shart-sharoit va imkoniyatlarga qaramay ular tomonidan turli huquqbuzarliklar va  jinoyatlar sodir etish holatlari yuz bermoqda. Yaqinda Qarshi shahrida sodir etilgan og‘ir turdagi jinoyat muhokamasi bo‘lib o‘tdi. Unda Qashqadaryo viloyati ichki ishlar boshqarmasi, viloyat hokimligi, prokuratura vakillari va shahardagi sektor rahbarlari, “Qilichbek Qo‘rg‘oncha” mahallasi yettiligi va fuqarolar ishtirok etishdi.

Yig‘ilishda Qashqadaryo viloyati ichki ishlar boshqarmasi boshlig‘ining birinchi o‘rinbosari polkovnik Baxtiyor Rajapov so‘zga chiqib, sarxushlikda sodir etilgan mudhish jinoyatni atroflicha tahlil etdi.

Jinoyat sayoq yurish, ichkilikka berilish va takasaltanglik bilan kun kechirish tufayli sabab bo‘lgani tanqid ostiga olindi. Kunora mahallada kim nima ish bilan mashg‘ulligini faollar yaxshi bilgani, lekin menga tegma, men senga qabilida yashash tarzida davom etish mudhish jinoyatni yuzaga kelishiga sabab bo‘lgani tanqid ostiga olindi.

Ishtirokchilarga sodir etilgan har bir jinoyatning kelib chiqish sabablari va sodir etilishiga imkon yaratib bergan shart-sharoitlar atroflicha muhokamalarda tushuntirildi. Bunda jinoyatlar va huquqbuzarliklar profilaktikasini amalga oshiruvchi va unda ishtirok etuvchi organlar va boshqa mutasaddi muassasalarning o‘zaro hamkorligi muhim ahamiyatga egaligi alohida ta’kidlanib, mas’ullar zimmasiga aniq vazifalar yuklandi.