Ko‘lami keng uchrashuvda so‘z olgan boshqarma boshlig‘i hozirgi vaqtda axborot-kommunikatsiya texnologiyalaridan hayotning barcha jabhalarida shu jumladan, huquq-tartibot organlari faoliyatida ham jinoyatchilik bilan kurashishda, xavfsizlikni ta’minlash, jamoat tartibini saqlashda ichki  ishlar organlari xodimlari samarali foydalanib kelinayotgani qayd etdi.

O‘zbekiston Respublikasi Prezidentining 2020 yil 5 oktabr kunidagi “Raqamli O‘zbekiston – 2030” strategiyasini tasdiqlash va uni samarali amalga oshirish chora-tadbirlari to‘g‘risida”gi Farmoniga asosan, Qashqadaryo viloyatida raqamli transformatsiya qilish DASTURI ijrosi hamda shahar va tuman markazlari hududidagi barcha jamoat joylarida, eng avvalo, maktabgacha ta’lim muassasalari, umumta’lim maktablari, savdo do‘konlari, har xil turdagi bozorlar va aholi gavjum bo‘ladigan ma’muriy binolarda so‘nggi rusumdagi videokuzatuv moslamalarini o‘rnatish belgilaganini ishtirokchilar e’tiboriga yetkazildi. 

Tadbirda Qarshi shahar ichki ishlar organlari faoliyatini muvofiqlashtirsh boshqarmasi xodimlari hududlarda zamonaviy videokuzatuv moslamalari o‘rnatish, shuningdek, jihozlangan videokuzatuv moslamalarini muntazam ravishda nazorat qilib borishga mas’ulligi qayd etildi.

Bunda asosiy e’tibor mahallalarning, ko‘p qavatli uylarning yo‘lagi, atroflari, tibbiyot muassalari, ommaviy tadbir o‘tkaziladigan obyektlar atroflari, madaniyat va istirohat bog‘lari, har xil turdagi bozorlar, yirik savdo markazlari - supermarket va gipermarketlar, mehmonxonalar, diniy muassasalar, masjidlar, ovqatlanish obyektlari, tungi vaqtda ish olib boradigan bar, diskoteka, saunalar, maktabgacha ta’lim tashkilotlari, maktablar, oliy ta’lim muassalari, turizm obyektlari, barcha turdagi banklar, avtoshoxbekatlar, to‘yxonalar egaplari va boshqa jamoat tashkilotlari o‘z mablag‘lari hisobidan intelektual videokuzatuv tizimlarini o‘rnatishlari lozimligi tushuntirildi.

Bu borada mas’ullar shahar hududida mahalla kesimida doimiy ravishda targ‘ibot-tashviqot ishlarini olib borishi belgilandi.

Shu bilan birga ishlayotgan videokuzatuv moslamalari nosoz bo‘lgan obyektlarni aniqlash, zarur hollarda obyekt egalari bilan raqamli videokuzatuv moslamalarini o‘rnatish afzalliklari yuzasidan tushuntirish ishlarini olib borishdi.

Joylarda o‘rnatiladigan videokuzatuv kameralarining parametrlari, sifati va joylashuv nuqtalari Boshqarma Axborot texnologiyalari, aloqa va axborotni himoyalash bo‘limi tavsiyalariga asosan hamda kelishilgan holda amalga oshirilishi belgilandi.

Yakunda tadbirkorlar bilan intelektual videokuzatuv moslamalari do‘konlariga borilib, kuzatuv texnikalarining afzalliklari va qulayligi xususida ko‘rgazmali seminar o‘tkazildi.

Bu boradagi ishlar davom ettirilmoqda.