O‘zbekiston Respublikasi Mudofaa vazirligiga qarashli G‘uzor tumanida joylashgan harbiy qismda “Kibermadaniyatni yuksaltirish oyligi” doirasida navbatdagi targ‘ibot tadbiri bo‘lib o‘tdi. Unda viloyat ichki ishlar boshqarmasi Kiberxavfsizlik bo‘limi xodimlari, harbiy qism rahbariyati va harbiy xizmatchilar ishtirok etishdi.

Keng ko‘lamli tadbirda so‘z olgan boshqarma Kiberxavfsizlik bo‘limi mas’ul xodimi virtual olamdagi kiberjinoyatlar - telefon qo‘ng‘iroqlari, telegramm ijtimoiy tarmog‘idagi savdo kanallari, OLX platformasi, moddiy yordam, onlayn kredit, soxta onlayn birja va treyding faoliyati, qimor va tavakkalchilikka asoslangan o‘yinlardan ogoh bo‘lish to‘g‘risida ishtirokchilarga atroflicha tushunchalar berdi. 

Shuningdek, bugungi kunda vertual olamdagi kiberjinoyatlar bo‘yicha profilaktik ishlar, bank plastik kartalaridan mablag‘lar o‘g‘irlanishi va bunga shart-sharoit yaratuvchi omillar, kiberjinoyatlarni oldini olishga oid tavsiya va takliflar berilib, ishtirokchilarning savollariga amaliy misollar asosida atroflicha javoblar berildi. 

Virtual olamdagi kiberjinoyatlar bo‘yicha harbiy xizmatchilarga tushunchalar berilgandan so‘ng, ularning kiberxavfsizlik borasidagi savodxonligini sinash maqsadadida ijtimoiy so‘rovnoma o‘tkazildi.

So‘rovnomada faol ishtirok etgan harbiy xizmatchilar sovg‘alar bilan taqdirlandi.