18 Dekabr 2023 yil
433
Hamkasbimiz chempionlar safida
Xabar berib o‘tganimizdek Bahraynning Manama
shahrida havaskor MMA bo‘yicha Osiyo chempionati bo‘lib o‘tdi. Kecha ushbu
qit’a birinchiligi o‘z yakuniga yetdi. O‘smirlar, yoshlar va kattalar o‘rtasida
bo‘lib o‘tgan qit’a birinchiligida O‘zbekiston terma jamoasi muvaffaqiyatli
ishtirok etib, 12 ta oltin, 9 ta kumush va 5 ta bronza medali bilan umumjamoa
hisobida 1-o‘rinni qo‘lga
kiritdi.
Ular orasida Qashqadaryo viloyati IIB TVBSO
katta mutaxassisi, kichik serjant O‘g‘iloy Jumanova +70 kg vaznda birinchi
o‘rinni qo‘lga kiritib, oltin medal sohibiga aylandi.
Ushbu muvaffaqiyat bilan barcha delegatsiya
a’zolari va kichik serjant O‘g‘iloy Jumanovani g‘alabasi bilan qutlaymiz!
