Аmir Temur betakror siymo
Shahrisabz shahar Madaniyat saroyida “Maʼnaviyat oyligi” doirasida sohibqiron, buyuk sarkarda va davlat arbobi Аmir Temur tavalludining 686 yilligi munosabati tadbir boʼlib oʼtdi. Unda IIV, boshqarma MMI va KBTX, Shahrisabz shahar, Shahrisabz, Kitob, Yakkabogʼ va Chiroqchi tuman IIBlari xodimlari ishtirok etishdi.
Koʼlami keng tadbirda buyuk davlat arbobi, islohotchi, adolat uchun tolmas kurashchi, ilm-fan va madaniyat rahnamosi Аmir Temur betakror davlat boshqaruvi, oʼzlikni anglash, oʼzbek milliy anʼana va qadriyatlarini tiklagan madaniyat va maʼrifat homiysi, kuchli siyosatchi sifatida jahonning yetuk sarkardalari qatorida ekanligini eʼtirof etishdi. Аmir Temur dono va oqil siyosati mahsuli “Temur tuzuklar”ni avlodlarga meros qoldirdi. Tuzuklarda davlat tuzilishi, mamlakatni boshqarish, sarkardalik mahorati va harbiy sanʼat borasidagi orttirgan tajribalari aks etgan.
Tadbir yakunida viloyat musiqali drama teatri aktyorlari tomonidan Аmir Temur obrazi gavdalantirilgan sahna chiqshlari va boshqarma faxriylar kengashi aʼzosi isteʼfodagi mayor Boymirza Ravshanov ijrosidagi kuy-qoʼshiqlar tadbirga oʼzgacha fayz bagʼishladi.
