O‘zbekiston Respublikasi IIV “Dinamo” jismoniy tarbiya-sport jamiyati Qashqadaryo viloyati Kengashining tavqimiy rejasi va 2023-yil 1-dekabr kunidagi kengash raisining 26-sonli buyrug‘iga asosan, viloyat huquqni muhofaza qiluvchi organlar va harbiy qismlar xodimlari o‘rtasida sportning shaxmat va shashka turi bo‘yicha musobaqa bo‘lib o‘tdi.

Qashqadaryo viloyati IIB, Favqulodda vaziyatlar va Bojxona boshqarmalari, DXX, Ichki ishlar va Mudofaa vazirliklari tizimidagi harbiy qismlar  jamoalaridan iborat 7 ta jamoalar g‘oliblik uchun o‘zaro bahslashdilar.

Musobaqa yakuniga ko‘ra, shaxmatda 1-o‘rinni viloyat Bojxona boshqarmasi xodimi, mayor Bahodir Boymurodov qo‘lga kiritdi. 

Navbatdagi sovrinli o‘rinlarni IIV QQga qarashli 7533-harbiy qism harbiy xizmatchisi, kichik serjant Alizoda Yozaliyev va IIV SHXBB Qashqadaryo viloyati bo‘yicha boshqarmasi xodimi, safdor Jamshid Aliqulovlar band etdi.

Shashka musobaqasida esa Qashqadaryo viloyati IIB xodimi, kapitan Laziz Tog‘ayev mutlaq g‘olib bo‘ldi. 2-o‘rin viloyat Favqulodda vaziyatlar boshqarmasi xodimi, II-darajali serjant Islom Haqberdiyevga, 3-o‘rin viloyat Bojxona boshqarmasi xodimi, kapitan Bobir Rajabovga nasib etdi. 

Aql charxi bahslarining ayollar o‘rtasida bo‘lib o‘tgan shashka musobaqasida IIV XAXT qo‘shinlariga qarashli 7256-harbiy qism harbiy xizmatchisi, kichik serjant Nodira Kattamova 1-o‘rinni, viloyat Bojxona boshqarmasi xodimlari, katta leytenant O‘g‘iloy Qo‘chqorova va Oyto‘ra Shaymardonovalar sovrinli o‘rinlarni qo‘lga kiritib, shohsupadan joy olishdi.

 Umumjamoa hisobida 1-o‘rin Qashqadaryo viloyati Bojxona boshqarmasiga, 2-o‘rin  IIV XAXT qo‘shinlariga qarashli 7256-harbiy qismga, 3-o‘rinni Qashqadaryo viloyati Favqulodda vaziyatlar boshqarmasi vakillariga nasib etdi.