Qabulda muammolar yechim topdi
Qashqadaryo viloyati ichki ishlar boshqarmasi
boshlig‘i o‘rinbosari podpolkovnik Isroil Ximmatov Koson tumani Madaniyat
markazida fuqarolar bilan sayyor qabul o‘tkazdi.
Aholi bilan to‘g‘ridan-to‘g‘ri ochiq muloqot
qilish, ularning murojaatlari, muammo va takliflarini o‘rganib, yechim topish
maqsadida o‘tkazilgan sayyor qabulda fuqarolarning ichki ishlar organlarining
tergov tizimiga va boshqa ijtimoiy-iqtisodiy masalalarga doir jami sakkizta
murojaatlari tinglandi.
Mazkur murojaatlar orasida oltitasi joyida hal
etildi. Jumladan, ular orasida ikki nafari O‘zbekiston Respublikasi
fuqaroligiga tan olingani munosabati bilan ID-kartalar tantanali ravishda
topshirildi. Qolgan murojaatlar o‘rganish uchun vaqt talab etgani bois ish
yurituvga olinib, ijroga qaratildi.
Bu boradagi ishlar davom ettirilmoqda.
