Qashqadaryo viloyati Jurnalistlar uyida “Kibermadaniyatni yuksaltirish oyligi” doirasida kompleks targ‘ibot-tashviqot tadbiri boshlanishi munosabati bilan yig‘ilish bo‘lib o‘tdi. Unda viloyat hokimligi, Ichki ishlar boshqarmasi, Ichki ishlar vazirligi Kiberxavfsizlik markazining mas’ul xodimi hamda OAV vakillari, korxona tashkilotlar hamda axborot xizmatlari rahbarlari, jurnalist va blogerlar ishtirok etishdi.

Tadbirda so‘zga chiqqanlar hozirgi rivojlanib borayotgan axborot asrida, hayotimizning barcha jabhalarida kompyuter va raqamlashtirilgan texnologiyalar muhim ahamiyat kasb etishini bildirishdi. Jumladan, axborot texnologiyalari  rivojlanib borgani sari, bundan g‘araz maqsadda foydalanuvchilar ham ortib borayotir.

Bugungi kunda, barcha hududlarda sodir etilayotgan jinoyatlar orasida internet va kompyuter texnologiyalari bilan bog‘liq holatlar nisbati keskin oshib bormoqda. Shu sababli O‘zbekiston Respublikasi Prezidentining “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida” 2024 yil 21 fevraldagi PF–37-son Farmonining 4-ilovasi bilan “O‘zbekiston – 2030” strategiyasining Qonun ustuvorligini ta’minlash, xalq xizmatidagi davlat boshqaruvini tashkil etish yo‘nalishi bo‘yicha 2024 yilga mo‘ljallangan amaliy tadbirlar rejasi” tasdiqlangan bo‘lib, Rejaning 30-bandida “Fuqarolarning kiberjinoyatlar qurboniga aylanishining oldini olish hamda kiberjinoyatlarga qarshi kurashishda fuqarolarda “kibergigiyena”ni shakllantirish” vazifasi Ichki ishlar vazirligi mas’ullariga  yuklangani qayd etildi.

Qashqadaryo viloyatida kiberjinoyatlarni oldini olish hamda aholini kiber olamdagi tahdidlar, jinoyatlardan himoyalash va imunitetini oshirish maqsadida 2024 yilning 1-31iyul kunlari Ichki ishlar vazirligi Tezkor-qidiruv departamenti Kiberxavfsizlik markazi viloyatdagi manfaatdor idora va tashkilotlar bilan hamkorlikda targ‘ibot-tashviqot tadbirlariga start berildi.

Tadbirlari davomida innovatsion targ‘ibot usullaridan foydalangan holda viloyatdagi barcha ishchi-xizmatchilar, yoshlar bilan hamkorlikda barcha aholini qamrab olish rejalashtirilgan.

Targ‘ibot tadbirlari haqida batafsil,

www.kiberoylik.uz veb sayt,

https://t.me/cyber_102 “Telegram” kanali,

https://youtube.com/@cyber_102  “Yotube” tarmog‘ida,

https://www.instagram.com/cyber102_iiv_tqd “Instagram” tarmog‘i orqali ma’lumot olishingiz mumkin.