10 Iyul 2024 yil 230

Qashqadaryo viloyatida ichki ishlar va huquqni muhofaza qiluvchi organlar xodimlari tomonidan o‘tkazilgan tezkor tadbirda bir kilodan ortiq giyohvandlik moddasi savdosiga chek qo‘yildi

Giyohvand moddalar inson hayotiga jiddiy xavf tug‘diruvchi illat hisoblanadi. Ammo ayrim shaxslar bu illat orqali o‘zgalar hayotini zaharlash evaziga bo‘lsa-da, mo‘may daromad orttirish maqsadida giyohvand moddalar savdosiga qo‘l urmoqda.

Jumladan, joriy yil 8 iyul kuni Qashqdaryo viloyati ichki ishlar boshqarmasi va Ko‘kdala tuman ichki ishlar bo‘limi tezkor qidiruv xizmati xodimlari xamda xamkor tashkilotlar tomonidan o‘tkazilgan tadbirda yana bir og‘ufurushning kirdikorlari fosh etildi.

Ko‘kdala tuman “Chorvador” mahallasida yashovchi 1967 yilda tug‘ilgan Quvondiqovdan  1 kiloyu 15 gram “marixuanna” giyohvandlik moddasini ellik besh million so‘mga sotgan vaqtida tadbir ishtirokchilari tomonidan qo‘lga olindi.

Hozirda holat yuzasidan Ko‘kdala tuman ichki ishlar bo‘limi huzuridagi Tergov guruhi tomonidan jinoyat ishi qo‘zg‘atilib, tergov harakatlari olib borilmoqda.

Text to speech