Qashqadaryo viloyati Nishon tumani IIBda ichki ishlar organlarida o‘tkazilayotgan “Intizom oyligi” doirasida bir qator manzilli profilaktik chora-tadbirlar amalga oshirilmoqda
Qashqadaryo viloyati Nishon tumani IIBda ichki ishlar organlarida o‘tkazilayotgan “Intizom oyligi” doirasida bir qator manzilli profilaktik chora-tadbirlar amalga oshirildi. Jumladan, tuman IIB shaxsiy tarkibi bilan uchrashuv o‘tkazilib, "Intizom oyligi"ni o‘tkazishdan maqsad va belgilangan vazifalar va xodimlar tomonidan sodir etilgan salbiy holatlar ishtirokchilar e’tiboriga yetkazildi. Xodimlarning xizmat vaqtida ko‘cha va jamoat joylarida formali kiyim boshni kiyib yurish qoidalariga amal qilishi, shaxsiy va xizmat avtomobillarini yo‘l harakati qoidalariga amal qilgan holda boshqarishi, avtotransport vositalarini qarzdorlik holatlarini aniqlash maqsadida patrullik reyd tadbirlari o‘tkazildi. Bundan tashqari, rahbar va xodimlarning xizmat xonalari va ish hujjatlari ko‘zdan kechirildi. Xodimlarning yashash uylariga borib, oilaviy axvoli, yashash sharoiti o‘rganildi. Bu boradagi ishlar davom ettirilmoqda.
