4 Dekabr 2024 yil
368
Qashqadaryo viloyati IIBda joriy yilning 11 oyi davomida jamoat tartibini saqlash, fuqarolar xavfsizligini ta’minlash, yo‘l harakatini tartibga solish borasida Viloyat IIB YHXB tomonidan amalga oshirilgan ishlar yakuniga bag‘ishlangan yig‘ilish bo‘lib o‘tdi.
Unda boshqarma rahbarlari va ularning o‘rinbosarlari
qatnashdi.
Yig‘ilishni boshqarma boshlig‘i, polkovnik A.Ismoilov
ochdi. Boshqarma boshlig‘i o‘z so‘zida joriy yilning 11 oyi davomida viloyatda
jamoat tartibini saqlash, jinoyatlarni erta aniqlab oldini olish, sodir etilgan
jinoyatlarni “issiq izida” fosh etish, fuqarolar xavfsizligini ta’minlash
borasida bir qator ishlar amalga oshirilganini ta’kidladi.
Yig‘ilishda viloyat IIB YHXBning 11 oylik faoliyati
atroflicha tahlil etildi. Xizmatlar rahbarlarining axborotlari tinglandi.
Erishilgan yutuqlar bilan birga, yo‘l qo‘yilgan
kamchiliklar tilga olinib, aniq vazifalar qo‘yildi.
Yig‘ilish kun tartibiga kiritilgan masalalar
yuzasidan tegishli qaror qabul qilindi.
